Partuhalija taksama pryznała Paleścinu
Razam z tym Partuhalija nastojvaje na «nieabchodnaści baraćby z usimi formami antysiemityzmu».
Fota: P A Thompson / Getty Images
Partuhalija aficyjna pryznała dziaržavu Paleścina. Pra heta paviedamiŭ ministr zamiežnych spraŭ Paŭłu Ranžel.
Razam z tym urad Partuhalii taksama paćviardžaje «prava dziaržavy Izrail na isnavańnie i jaho efiektyŭnyja patreby ŭ biaśpiecy, a taksama asablivuju družbu partuhalskaha i izrailskaha narodaŭ» i asudžaje dziejańni CHAMAS, cytuje jaho słovy telekanał SIC Notícias.
Ranžel padkreślivaje, što zachoŭvajecca patrabavańnie «nieadkładnaha vyzvaleńnia ŭsich zakładnikaŭ, pieradačy zabitych zakładnikaŭ Izrailu», i nastojvaje na «nieabchodnaści baraćby z usimi formami antysiemityzmu».
Raniej siońnia dziaržavu Paleścinu pryznali Vialikabrytanija, Kanada i Aŭstralija.