Аэрапорты Даніі і Нарвегіі прыпынялі працу праз з'яўленне вялікіх дронаў
Увечары 22 верасня паветраная прастора над сталіцамі Даніі і Нарвегіі была парушана невядомымі беспілотнікамі, што прывяло да поўнага закрыцця аэрапортаў у Капенгагене і Осла.
Ад двух да чатырох «вялікіх дронаў» былі заўважаныя над аэрапортам Капенгагена, а пасля паблізу ад яго, паведамляюць дацкія СМІ са спасылкай на паліцыю. Гэта змусіла дыспетчараў аэрапорта спыніць прыём самалётаў.
Людзі чакалі вылетаў (на фота з сацыяльных сетак), а на прыём паветраныя судны накіроўваўвалі ў іншыя аэрапорты Даніі.
Паліцыя працуе над ідэнтыфікацыяй дронаў, ідзе расследаванне.
Амаль адначасова дрон быў зафіксаваны і над вайсковым аб’ектам у Осла, сталіцы Нарвегіі. У сувязі з гэтым затрыманыя два грамадзяніны Сінгапура.
А каля 23:30, некалькі дронаў былі зафіксаваны і над аэрапортам Осла Гардэрмуэн. Спачатку ўвесь рух транспарту быў перанакіраваны на адну ўзлётна-пасадачную паласу. Аднак, праз гадзіну пасля паўторнага з'яўлення беспілотніка, аэрапорт быў поўнасцю зачынены.
«Паветраная прастора над аэрапортам Осла закрыта з-за новага выяўлення дрона», — паведаміў прадстаўнік аэрапорта.
Чытайце таксама:
Украінскія дроны атакавалі Маскву
Расія ўдасканаліла атакі дронамі — забяспечваць тыл украінцам становіцца цяжэй