У Смаргоні сямейная пара знайшла ў падвале труп
На муміфікаваную знаходку пара наткнулася, калі наводзіла парадак у падвальным памяшканні жылога дома, набытага зусім нядаўна.
Фота: Дзяржкамітэт судовых экспертыз
Ідэнтыфікаваць асобу памерлага адразу не ўдалося з-за адсутнасці якіх-небудзь дакументаў пры ім. На месца здарэння выехала група са спецыялістамі аддзела Дзяржаўнага камітэта судовых экспертыз.
З дапамогай спецыяльных ведаў, нягледзячы на дэфармацыю папілярных узораў і высыханне скуры, судоваму эксперту ўдалося атрымаць узоры адбітка пальца для параўнальнага даследавання.
Устаноўлена, што загінулы — мужчына 1975 года нараджэння, які раней лічыўся без вестак зніклым. Затым былі знойдзеныя сваякі памерлага, якім паведамілі пра яго смерць.