U Smarhoni siamiejnaja para znajšła ŭ padvale trup
Na mumifikavanuju znachodku para natknułasia, kali navodziła paradak u padvalnym pamiaškańni žyłoha doma, nabytaha zusim niadaŭna.
Fota: Dziaržkamitet sudovych ekśpiertyz
Identyfikavać asobu pamierłaha adrazu nie ŭdałosia z-za adsutnaści jakich-niebudź dakumientaŭ pry im. Na miesca zdareńnia vyjechała hrupa sa śpiecyjalistami adździeła Dziaržaŭnaha kamiteta sudovych ekśpiertyz.
Z dapamohaj śpiecyjalnych viedaŭ, niahledziačy na defarmacyju papilarnych uzoraŭ i vysychańnie skury, sudovamu ekśpiertu ŭdałosia atrymać uzory adbitka palca dla paraŭnalnaha daśledavańnia.
Ustanoŭlena, što zahinuły — mužčyna 1975 hoda naradžeńnia, jaki raniej ličyŭsia bieź viestak źnikłym. Zatym byli znojdzienyja svajaki pamierłaha, jakim paviedamili pra jaho śmierć.