Чым у гэтым годзе будуць прышчапляць ад кавіду
У гэтым годзе, як і ў мінулым, у Беларусі супраць каранавіруса будуць прышчапляць вакцынай Convacel, вырабленай у Расіі.
Фота: runews24.ru
Асаблівасць прэпарата ў тым, што ён утрымлівае нуклеакапсідны N-бялок. Гэта фрагмент віруса, які практычна не падвяргаецца мутацыям. Менавіта таму вакцына эфектыўная супраць любых штамаў каранавіруса, якія цяпер цыркулююць, піша «Мінская праўда».
Паводле даных намесніка міністра аховы здароўя Святланы Нячай, у дзіцячай інфекцыйнай бальніцы Мінска штодня фіксуюцца новыя выпадкі COVID-19 у дзяцей. Звычайна шпіталізуюць 2—3 дзяцей у дзень, на мінулым тыдні такіх пацыентаў было да шасці. Зараз у аддзяленні знаходзяцца 11 дзяцей.
На шчасце, захворванне ў іх працякае ў сярэдняй форме. Медыкі адзначаюць: цяжкіх выпадкаў, якія патрабуюць штучнай вентыляцыі лёгкіх, няма.
Чытайце таксама:
Мінздароўя: Новы падвід каранавіруса «стратус» актыўна займае нішу ў Беларусі
Доктарка расказала, калі лепш прышчапіцца ад грыпу
Супраць грыпу ў цяперашнім эпідсезоне будуць выкарыстоўвацца тры вакцыны