Мінздароўя: Новы падвід каранавіруса «стратус» актыўна займае нішу ў Беларусі
Разам з тым сітуацыя ў вострымі рэспіраторнымі захворваннямі ў верасні фіксуецца на ўзроўні сярэдніх паказчыкаў за апошнія два гады, сказала намеснік міністра аховы здароўя — галоўны санітарны доктар Беларусі Святлана Нячай.
У верасні традыцыйна адзначаецца рост захворванняў вострымі рэспіраторнымі віруснымі інфекцыямі, і цяперашні месяц не з’яўляецца выключэннем Прычын для гэтага дастаткова шмат — і фарміраванне новых калектываў у дзіцячых дашкольных установах, школах, вышэйшых і сярэдніх навучальных установах. Суайчыннікі вяртаюцца з адпачынкаў з блізкага і далёкага замежжа.
Фіксуюцца традыцыйныя негрыпозныя вірусы: рынавірусы, адэнавірусы, рэспіраторна-сінцытыяльны вірус, каранавірусы, уключаючы SARS-CoV-2, які ўжо стаў сезонным, у тым ліку «стратус», што актыўна займае сваю нішу ў Беларусі. Новы падварыянт амікрона не выклікае цяжкага працякання захворвання.
Зазначым, што ў Беларусі з лета 2022 года не раскрываецца статыстыка па кавідзе.
Правядзенне якіх-небудзь абмежавальных мерапрыемстваў, у тым ліку ў дзіцячых арганізаваных калектывах, не патрабуецца. У аптэчнай сетцы і ва ўстановах аховы здароўя ёсць усё неабходнае для аказання медыцынскай дапамогі як у амбулаторных, так і ў стацыянарных умовах.
Меры прафілактыкі ўсім добра вядомыя: праветрываць памяшканне, больш знаходзіцца на свежым паветры, апранацца па надвор’і, ужываць садавіну і гародніну, якіх цяпер дастаткова.
Вакцынацыю супраць грыпу рэкамендуецца запланаваць на кастрычнік—лістапад.
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары