У Беларусі сцвярджаюць, што п'яны дальнабойшчык з Малдовы праходзіў беларускую мяжу цвярозым
Дзяржаўны мытны камітэт Беларусі пракаментаваў сітуацыю з моцна п’яным кіроўцам грузавіка на літоўскім пункце пропуску «Меднікі». Літоўскія службы сцвярджаюць, што яго нібыта прапусцілі ў такім стане з Беларусі, але беларускія мытнікі гэта адмаўляюць.
Фота: Дзяржаўны мытны камітэт
Паведамляецца, што грамадзянін Малдовы 1969 года нараджэння, які перавозіў ячменны солад з Беларусі ў Малдову, на пераход «Каменны Лог» заехаў 1 кастрычніка ў 23:34 цвярозы. Ужо праз 20 хвілін прайшоў мытны і пашпартны кантроль.
На тэрыторыю Літвы яго прапусцілі толькі праз прыкладна 14 гадзін чакання. Мяркуецца, што менавіта падчас гэтага доўгага перыяду кіроўца і ўжыў алкаголь.
У ДМК падкрэслілі, што беларускія службы не праводзяць паўторных праверак на выездзе і не могуць несці адказнасць за паводзіны кіроўцаў падчас шматгадзіннага чакання перад уездам у Літву.
Чытайце таксама:
Беларускія памежнікі прапусцілі ў Літву моцна п'янага дальнабойшчыка
Пад Уроцлавам п'яны беларускі дальнабойшчык паралізаваў цэлую трасу
Гомельскім прадпрымальнікам не далі ўвезці вялікую партыю нелегальнага тавару