U Biełarusi śćviardžajuć, što pjany dalnabojščyk z Małdovy prachodziŭ biełaruskuju miažu ćviarozym
Dziaržaŭny mytny kamitet Biełarusi prakamientavaŭ situacyju z mocna pjanym kiroŭcam hruzavika na litoŭskim punkcie propusku «Miedniki». Litoŭskija słužby śćviardžajuć, što jaho nibyta prapuścili ŭ takim stanie ź Biełarusi, ale biełaruskija mytniki heta admaŭlajuć.
Fota: Dziaržaŭny mytny kamitet
Paviedamlajecca, što hramadzianin Małdovy 1969 hoda naradžeńnia, jaki pieravoziŭ jačmienny soład ź Biełarusi ŭ Małdovu, na pierachod «Kamienny Łoh» zajechaŭ 1 kastryčnika ŭ 23:34 ćviarozy. Užo praz 20 chvilin prajšoŭ mytny i pašpartny kantrol.
Na terytoryju Litvy jaho prapuścili tolki praz prykładna 14 hadzin čakańnia. Miarkujecca, što mienavita padčas hetaha doŭhaha pieryjadu kiroŭca i ŭžyŭ ałkahol.
U DMK padkreślili, što biełaruskija słužby nie pravodziać paŭtornych pravierak na vyjeździe i nie mohuć nieści adkaznaść za pavodziny kiroŭcaŭ padčas šmathadzinnaha čakańnia pierad ujezdam u Litvu.
Čytajcie taksama:
Biełaruskija pamiežniki prapuścili ŭ Litvu mocna pjanaha dalnabojščyka
Pad Urocłavam pjany biełaruski dalnabojščyk paralizavaŭ cełuju trasu
Homielskim pradprymalnikam nie dali ŭvieźci vialikuju partyju nielehalnaha tavaru