Мелказёраў перадаў свае кроксы ў Музей вольнай Беларусі
Як так атрымалася?
Мікіта Мелказёраў у тых самых жоўтых кроксах. Фота: інстаграм журналіста
Раней журналіст Мікіта Мелказёраў часта з'яўляўся ў запамінальных жоўтых кроксах.
«Мне жонка казала: «Выкінь гэтыя кроксы, якія ўжо проста прахудзіліся». Легендарныя, як сказала Наста Роўда, жоўтыя кроксы. Хто я такі, каб спрачацца з Настай Роўда? Я падумаў, што сапраўды гэтыя кроксы шмат чаго пабачылі. Былі набытыя ў кавід, пераехалі са мной з Беларусі, пабачылі краін дзевяць, напэўна», — заўважыў Мікіта Мелказёраў у новым выпуску падкаста «Нешта будзе».
Ён расказаў, што жартам прапанаваў Музею новай Беларусі гэтую пару свайго абутку.
«Кажу: «Вам патрэбны экспанат?» І яны сказалі: так, давай».
На заўвагу Сашы Івуліна, што такі экспанат выглядае дзіўным у музеі, Мелказёраў адказаў:
«Чаму сукенка бчб-нявесты — гэта не дзіўна, а кроксы мае дзіўна? (…) Таксама мусяць быць нейкія журналісцкія артэфакты».
Як згадаў Мелказёраў, для музея ён запісаў відэа, у якім расказаў гісторыю сваіх кроксаў (таго патрабуюць правілы). Акрамя гэтага быў аформлены акт перадачы.
Чытайце таксама:
Ажаніліся блогер Мікіта Мелказёраў і ню-мадэль Ліна Цапава
Мелказёраў у захапленні ад Насты Роўды: «Гэта прагрэс сезона»
Любоў і нянавісць да Crocs: як гумовыя тапкі скарылі свет
Кроксы ад «Марка», мартэнсы ад «Праменя». Шукаем стыльны абутак беларускіх вытворцаў