Miełkazioraŭ pieradaŭ svaje kroksy ŭ Muziej volnaj Biełarusi
Jak tak atrymałasia?
Mikita Miełkazioraŭ u tych samych žoŭtych kroksach. Fota: instahram žurnalista
Raniej žurnalist Mikita Miełkazioraŭ časta źjaŭlaŭsia ŭ zapaminalnych žoŭtych kroksach.
«Mnie žonka kazała: «Vykiń hetyja kroksy, jakija ŭžo prosta prachudzilisia». Lehiendarnyja, jak skazała Nasta Roŭda, žoŭtyja kroksy. Chto ja taki, kab spračacca z Nastaj Roŭda? Ja padumaŭ, što sapraŭdy hetyja kroksy šmat čaho pabačyli. Byli nabytyja ŭ kavid, pierajechali sa mnoj ź Biełarusi, pabačyli krain dzieviać, napeŭna», — zaŭvažyŭ Mikita Miełkazioraŭ u novym vypusku padkasta «Niešta budzie».
Jon raskazaŭ, što žartam prapanavaŭ Muzieju novaj Biełarusi hetuju paru svajho abutku.
«Kažu: «Vam patrebny ekspanat?» I jany skazali: tak, davaj».
Na zaŭvahu Sašy Ivulina, što taki ekspanat vyhladaje dziŭnym u muziei, Miełkazioraŭ adkazaŭ:
«Čamu sukienka bčb-niaviesty — heta nie dziŭna, a kroksy maje dziŭna? (…) Taksama musiać być niejkija žurnalisckija artefakty».
Jak zhadaŭ Miełkazioraŭ, dla muzieja jon zapisaŭ videa, u jakim raskazaŭ historyju svaich kroksaŭ (taho patrabujuć praviły). Akramia hetaha byŭ aformleny akt pieradačy.
Čytajcie taksama:
Ažanilisia błohier Mikita Miełkazioraŭ i niu-madel Lina Capava
Miełkazioraŭ u zachapleńni ad Nasty Roŭdy: «Heta prahres siezona»
Luboŭ i nianaviść da Crocs: jak humovyja tapki skaryli śviet
Kroksy ad «Marka», martensy ad «Pramienia». Šukajem stylny abutak biełaruskich vytvorcaŭ