Неабыякавыя апаненты Ціханоўскай збіраюцца на чарговы сход
Пасля сустрэчы ў Вільні збіраюцца прыняць рэзалюцыі і мемарандум.
Сход неабыякавых у Варшаве 21 чэрвеня 2025 года. Скрыншот: «Еўрарадыё»
Апаненты Святланы Ціханоўскай клічуць на чарговы «Сход неабыякавых», які мае прайсці ў Вільні 21 лістапада.
Зазначаецца, што мерапрыемства пройдзе ў фармаце канферэнцыі з удзелам прадстаўнікоў беларускай апазіцыі, нацыянальна-арыентаваных сіл, ваяроў, а таксама грамадзянскіх дзеячаў і прадстаўнікоў дыяспары.
Па выніках канферэнцыі плануюць прыняць рэзалюцыі і мемарандум.
Папярэдні сход прайшоў у Варшаве 21 чэрвеня 2025 года, удзельнікі сварыліся з Франакам Вячоркам, нават станавіліся да яго спінай. Але ў той дзень была вызвалена група палітвязняў на чале з Сяргеем Ціханоўскім, таму мерапрыемства хутка сышло з парадку дня.