Ва Украіне на рынку заўважылі масла, вельмі падобнае да беларускага

У тыктоку з'явілася відэа з маслам, якое заўважылі на рынку аднаго з украінскіх гарадоў. Дызайн яго ўпакоўкі вельмі нагадвае дызайн вядомых беларускіх марак, піша Telegraf.news.

На адным з ролікаў — масла пад назвай «Українське» невядомага вытворцы, але дызайн упакоўкі адзін у адзін як у беларускага масла «Брэст-Літоўск» ад «Савушкіна».

Масла «Українське», якое прадаецца ва Украіне

Масла «Брэст-Літоўск» ад «Савушкіна» з Беларусі

Прадаюць прадукт па 40 грыўняў за пачак (гэта значыць прыкладна 2,8 рубля ў эквіваленце, што прыкладна на рубель танней, чым арыгінальнае масла ад «Савушкіна»).

@user3349116103407 МАСЛО ПО 40 ПОШТОЮ 050::407::50::04 #МЯСО #рекомендации ♬ оригинальный звук - Руслан Сегеда

На іншым роліку заўважылі «імітацыю» пад іншы папулярны брэнд беларускага масла — «Мінскую марку» Мінскага малочнага завода №1. Яго невядомы вытворца «пераназваў» у «Молочну марку».

«Молочна марка», што прадаецца ва Украіне

«Мінская марка» з Беларусі

Хто надумаў скарыстацца дызайнам папулярных беларускіх марак для прасоўвання ўласнай прадукцыі, невядома.

Аўтары ролікаў не ўдакладняюць вытворцу масла. Самі беларускія кампаніі пакуль ніяк іх не каментавалі.

Каментары да артыкула