Va Ukrainie na rynku zaŭvažyli masła, vielmi padobnaje da biełaruskaha

U tyktoku źjaviłasia videa z masłam, jakoje zaŭvažyli na rynku adnaho z ukrainskich haradoŭ. Dyzajn jaho ŭpakoŭki vielmi nahadvaje dyzajn viadomych biełaruskich marak, piša Telegraf.news.

Na adnym z rolikaŭ — masła pad nazvaj «Ukrajinśkie» nieviadomaha vytvorcy, ale dyzajn upakoŭki adzin u adzin jak u biełaruskaha masła «Brest-Litoŭsk» ad «Savuškina».

Masła «Ukrajinśkie», jakoje pradajecca va Ukrainie

Masła «Brest-Litoŭsk» ad «Savuškina» ź Biełarusi

Pradajuć pradukt pa 40 hryŭniaŭ za pačak (heta značyć prykładna 2,8 rubla ŭ ekvivalencie, što prykładna na rubiel tańniej, čym aryhinalnaje masła ad «Savuškina»).

Na inšym roliku zaŭvažyli «imitacyju» pad inšy papularny brend biełaruskaha masła — «Minskuju marku» Minskaha małočnaha zavoda №1. Jaho nieviadomy vytvorca «pieranazvaŭ» u «Mołočnu marku».

«Mołočna marka», što pradajecca va Ukrainie

«Minskaja marka» ź Biełarusi

Chto nadumaŭ skarystacca dyzajnam papularnych biełaruskich marak dla prasoŭvańnia ŭłasnaj pradukcyi, nieviadoma.

Aŭtary rolikaŭ nie ŭdakładniajuć vytvorcu masła. Sami biełaruskija kampanii pakul nijak ich nie kamientavali.

Kamientary da artykuła