Лукашэнка даручыў Рыжанкову пачаць перамовы з літоўцамі
Задача для міністра замежных спраў — нармалізаваць сітуацыю і аднавіць паўнацэнную працу пунктаў пропуску на сумеснай граніцы.
Evgenia Novozhenina Pool Photo via AP
МЗС Беларусі правядзе перамовы з літоўскім бокам па сітуацыі на мяжы, пра гэта піша прэс-служба Аляксандра Лукашэнкі.
«Міністру замежных спраў арганізаваць перамовы ў пытаннях нармалізацыі сітуацыі і аднаўлення паўнавартаснага функцыянавання пунктаў пропуску на супольнай мяжы — з удзелам літоўскіх упаўнаважаных асоб, адказных за гэты кірунак», —сказана ў паведамленні.
Каардынаваць працэс перамоў даручана дзяржсакратару Рады бяспекі Аляксандру Вальфовічу.
Літоўская мяжа закрыта з канца кастрычніка да 30 лістапада, гэта было зроблена пасля таго, як некалькі раз метэазонды кантрабандыстаў парушалі паветраную прастору Літвы, што прыводзіла да паралізацыі працы Віленскага аэрапорта.