Łukašenka daručyŭ Ryžankovu pačać pieramovy ź litoŭcami
Zadača dla ministra zamiežnych spraŭ — narmalizavać situacyju i adnavić paŭnacennuju pracu punktaŭ propusku na sumiesnaj hranicy.
Evgenia Novozhenina Pool Photo via AP
MZS Biełarusi praviadzie pieramovy ź litoŭskim bokam pa situacyi na miažy, pra heta piša pres-słužba Alaksandra Łukašenki.
«Ministru zamiežnych spraŭ arhanizavać pieramovy ŭ pytańniach narmalizacyi situacyi i adnaŭleńnia paŭnavartasnaha funkcyjanavańnia punktaŭ propusku na supolnaj miažy — z udziełam litoŭskich upaŭnavažanych asob, adkaznych za hety kirunak», —skazana ŭ paviedamleńni.
Kaardynavać praces pieramoŭ daručana dziaržsakrataru Rady biaśpieki Alaksandru Valfoviču.
Litoŭskaja miaža zakryta z kanca kastryčnika da 30 listapada, heta było zroblena paśla taho, jak niekalki raz mieteazondy kantrabandystaŭ parušali pavietranuju prastoru Litvy, što pryvodziła da paralizacyi pracy Vilenskaha aeraporta.