Турэцкія вайскоўцы разбіліся ў самалёце, вяртаючыся з параду ў Баку
Вайскова-транспартны самалёт з турэцкімі камандас разбіўся ў горадзе Сігнахі на азербайджанска-грузінскай мяжы. Салдаты, якія знаходзіліся на борце, удзельнічалі ў парадзе ў Баку і ляцелі назад у Стамбул.
Скрыншот з відэа
«Вайскова-транспартны самалёт C130, які вылецеў з Азербайджана ў нашу краіну, пацярпеў крушэнне на грузіна-азербайджанскай мяжы. У супрацоўніцтве з уладамі Азербайджана і Грузіі пачатыя пошукава-выратавальныя работы», — гаворыцца ў заяве Міністэрства абароны Турцыі.
І Грузія, і Азербайджан пацвердзілі катастрофу. МУС Грузіі паведаміла, што вайскова-транспартны самалёт C-130 УС Турцыі ўпаў на грузінскай тэрыторыі, за 5 км ад мяжы з Азербайджанам у муніцыпалітэце Сігнагі. Азербайджан паведаміў, што борт вылецеў з Гянджы.
Па папярэдняй інфармацыі, усе, хто быў у самалёце, загінулі. Колькасць загінулых пакуль не ўдакладняецца.
Прэзідэнт Азербайджана Ільхам Аліеў выказаў спачуванні свайму турэцкаму калегу Рэджэпу Таіпу Эрдагану.
Чытайце таксама:
Праца Віленскага аэрапорта зноў была парушана з-за кантрабандных шароў
У Судане паўстанцы збілі самалёт з беларускім вайсковым лётчыкам. Вось што пра яго вядома
У Кентукі пасля крушэння грузавога самалёта загінулі сем чалавек