Свет

У Кентукі пасля крушэння грузавога самалёта загінулі сем чалавек

Колькасць загінулых у выніку крушэння грузавога самалёта MD-11 кампаніі UPS у амерыканскім штаце Кентукі павялічылася да сямі чалавек, у тым ліку тры члены экіпажа. Самалёт разбіўся адразу пасля ўзлёту.

Фота: AP Photo / Jon Cherry

Паводле інфармацыі Reuters, адно з ключавых пытанняў для следчых — чаму адзін з рухавікоў, імаверна, адарваўся ад самалёта непасрэдна перад падзеннем. Пра гэта сведчаць відэазапісы абломкаў на лётным полі.

Сам самалёт, выпушчаны 34 гады таму, загарэўся адразу пасля ўзлёту. Тэлеканал WLKY паказаў відэазапіс, на якім відаць, як самалёт узлятае з палаючым крылом, а пры ўдары аб зямлю ўтвараецца велізарны вогненны шар. Абломкі самалёта аказаліся раскіданыя па двух узлётна-пасадачных палосах. Паводле слоў губернатара, некалькі чалавек на зямлі атрымалі сур'ёзныя траўмы.

Згодна са звесткамі Федэральнага ўпраўлення грамадзянскай авіяцыі, борт, што разбіўся, быў выпушчаны 34 гады таму. Ён пацярпеў крушэнне каля 17:15 па мясцовым часе.

Самалёт павінен быў здзейсніць рэйс на Гаваі. Для 8,5‑гадзіннага палёту да Ганалулу ён быў запраўлены каля 150 тысяч літраў.

У аэрапорце Луісвіля месціцца UPS Worldport — глабальны хаб для грузавых авіяперавозак кампаніі і яе найбуйнейшы ў свеце цэнтр апрацоўкі пасылак.

Пілот і эксперт па бяспецы палётаў Джон Кокс лічыць, што следчым трэба высветліць, чаму самалёт з трыма рухавікамі не здолеў узляцець, нягледзячы на пажар аднаго з іх.

«Гэта занадта вялікі пажар для звычайнага, тыповага пажару рухавіка, — заявіў эксперт. — Ён занадта вялікі».

Крушэнне спрычынілася да серыі пажараў у прамысловай зоне каля аэрапорта, дзе было ахоплена агнём некалькі будынкаў за ўзлётна-пасадачнай паласой.

Каментары

Цяпер чытаюць

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Усе навіны →
Усе навіны

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка10

Мінскія ўлады ўжо абмяркоўваюць ідэю Лукашэнкі запусціць трамваі ў метро14

Людзі спяшаюцца перабрацца з Расіі ў Эстонію1

Выйдзе працяг «Адзін дома» з Макалеем Калкіным

Мінчане купілі пустуючую хату за 2300 рублёў і вяртаюць яе да жыцця5

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

больш чытаных навін
больш лайканых навін

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Галоўнае
Усе навіны →

Заўвага:

 

 

 

 

Закрыць Паведаміць