У Касцюковічах дашкольнікі пад наглядам пракурора «пісалі» лісты ў іншыя краіны пра дзяржаўную сімволіку

Пракурор Касцюковіцкага раёна Сяргей Булахаў далучыўся да правядзення ў касцюковіцкіх дашкольных установах афіцыёзнай патрыятычнай акцыі «Ліст аб Беларусі». З гэтай місіяй ён наведаў Новасаматэвіцкі дзіцячы сад і Дашкольны цэнтр развіцця дзіцяці №1 у саміх Касцюковічах, заўважыў Mayday.

Да візіту высокага госця ў дзіцячым садзе падрыхтавалі бела-зялёныя «нацыянальныя касцюмы», а дзяўчынак апранулі ў чырвоныя сарафаны

Пасля мерапрыемства ідэолагі сцвярджалі, што «дзеці напісалі для аднагодкаў з іншых краін маляўнічы ліст пра сваю радзіму, яе дзяржаўныя і прыродныя сімвалы, гісторыю і традыцыі». Пры гэтым нібыта 5‑гадовыя дзеці «разважалі пра сэнс колераў і элементаў Дзяржаўнага сцяга і Дзяржаўнага герба».

Пры гэтым, згодна з вучэбнай праграме, да засваення літар дзеці пераходзяць ужо толькі ў школе. 

Акрамя таго, пракурор расказаў дашкольнікам пра працу свайго ведамства, а тыя праспявалі яму загадзя развучаны дзяржаўны гімн.

Каментары да артыкула