Бондарава дакалупалася да верша «Вавёрка» ў праграме дзіцячых садкоў. Што з ім не так?

Вольга Бондарава працягвае свой крыжовы паход супраць усяго беларускага. Гэтым разам яе ўвагу прыцягнула навучальная праграма «Азнаямленне дзяцей старэйшага дашкольнага ўзросту з паэзіяй», складзеная Дзінай Дубінінай з кафедры методык дашкольнага навучання Беларускага дзяржаўнага педагагічнага ўніверсітэта і выдадзеная яшчэ 17 гадоў назад, у 2008 годзе.

Нянавісць Бондаравай да ўсяго, што па-беларуску, бязмежная, а веды абмежаваныя.

Бондарава не ведае, што А.Дзеружынскі — гэта Авяр'ян Дзеружынскі, беларускі дзіцячы паэт савецкага перыяду, 1919 года нараджэння, а не Вадзім Дзеружынскі — яго цёзка 1965 года нараджэння,

некаторыя гістарычныя працы якога былі прызнаныя (палітычна матывавана, пасля 2022 года) экстрэмісцкімі.

Таму Бондарава лічыць, што дзецям у садках падсоўваюць ідэі Вадзіма Дзеружынскага.

«На с. 46 детям … предлагается … выучить наизусть стихи лицсвинского (так у арыгінале — НН) русофоба-фальсификатора А. Дзеружинского. Это в теме «Свойскія птушкі». С Дзеружинским педагог Дина Дубинина на этом не заканчивает и продолжает его насовывать малолетним белорусским детям в теме «Прадукты харчавання».

Павялічыць

Гнеў Бондаравай абрынуўся і на верш Артура Вольскага. «Дубинина добивает детей старшей группы детского сада рифмоплётством нациста Артура Вольского. На с.36 программы Вы найдёте тему «Звяры нашых лясоў» с рассказыванием стихов в т.ч. нациста Артура Вольского и нацистки Ольги Ипатовой».

Ялiнa ў cвeт глядзiць з пaгopкa.
A нa cyкy cядзiць вaвёpкa.
Янa знaйшлa ў cтвaлe дyплo
i ўлaдкaвaлa тyт жытлo.
Xaй дoждж, xaй cнeг, xaй зaвipyxa,
a ў xaтцы — ўтyльнa, цёплa, cyxa.
I eжы, cкaжaм шчыpa, лiшaк:
aж дa вяcны ёй xoпiць шышaк.

Артура Вольскага Бондарава называе нацыстам, хоць ён ветэран вайны, які з 1942 да 1953 года адслужыў у савецкім ваенна-марскім флоце, мае баявыя ўзнагароды, у тым ліку ордэн Айчыннай вайны II ступені.

А яго яна з кім паблытала? Не з ягоным жа бацькам Віталём Вольскім — чэкістам і беларускім пісьменнікам, аўтарам «Несцеркі»? Магчыма, Вольскаму дасталося проста за нярускае прозвішча, як і Дзеружынскаму. Або за палітычную пазіцыю ў 1990-х.

Між тым і Вольга Іпатава — гэта 80‑гадовая пісьменніца, якая нарадзілася ў 1945‑м і вырасла пасля вайны ў дзіцячым доме.

Бондарава прылічвае да «нацыстаў» усіх, хто калі-небудзь выступаў за незалежнасць Беларусі. Таму ў яе нацысткай аказваецца і Ларыса Геніюш — адна з самых папулярных (і пакутных) беларускіх пісьменніц ХХ стагоддзя.

У праведным гневе Бондарава перайшла на Аляксандра Лукашэнку і яго задуму «вялікай здзелкі» з амерыканцамі. «Предмет «большой сделки» ожидаем — русоненавистничество. Никогда такого не было, и вот опять!» — вынесла вердыкт Бондарава.

З 2022 года 42‑гадовая Вольга Бондарава вучылася на дзённым аддзяленні філалагічнага факультэта Беларускага дзяржаўнага педагагічнага ўніверсітэта імя Максіма Танка па спецыяльнасці «Беларуская мова і літаратура». Яе адлічылі адтуль толькі сёлета ў красавіку пасля таго, як даносчыца сама адбыла 13 сутак на Акрэсціна паводле «экстрэмісцкага» артыкула, бо «нешта перапосціла».

• 0
• 0
• 8
• 36
• 2
• 0
• 28
• 0