Медзведзяня, якое бегала па вуліцах Віцебска, злавілі
Медзведзяня, заўважанае раніцай 13 лістапада ў Віцебску, злавілі і вывезлі ў Суражскі лясгас, паведамілі sb.by у Віцебскай гарадской і раённай інспекцыі прыродных рэсурсаў і аховы навакольнага асяроддзя.
Аперацыя па адлове і далейшым выратаванні жывёліны праводзілася з самай раніцы. Мішка нават паспеў стаць героем сацсетак, трапіўшы на камеры знешняга відэаназірання.
У выніку шматгадзіннай працы медзведзяня выратавалі, агледзелі і вярнулі ў натуральнае асяроддзе.
Дзмітрый Мальчэўскі, начальнік Віцебскай гарадской і раённай інспекцыі прыродных рэсурсаў і аховы навакольнага асяроддзя, расказаў:
«Сёння ў 7:30 раніцы да нас паступіла інфармацыя, што ў ваколіцах вуліцы Праўды пабачылі медзведзяня. Яго адловам у раёне Летняга амфітэатра на працягу 7 гадзін займаліся профільныя службы нашага горада.
Па заключэнні ветэрынарнага доктара, 10‑месячнае дзіцяня цалкам здаровае. Цяпер жывёліна адпраўленая пад назіранне ў Суражскі лясгас».
Чытайце таксама:
«Дачка падумала, што гэта аўчарка». Што вядома пра медзведзяня, якое шастала раніцай па Віцебску
У Віцебску заўважылі медзведзяня
Браканьер застрэліў мядзведзяня, яму пагражае вялікі штраф і арышт