Вызваленыя ўчора каталіцкія святары знаходзяцца ў Ватыкане
Генрыха Акалатовіча і Анджэя Юхневіча адразу вывезлі за мяжу і цяпер яны знаходзяцца ў Ватыкане, піша katolik.life.
Апостальскі нунцый Іньяцыа Чэфалья, Генрых Акалатовіч, Анджэй Юхневіч і арцыбіскуп Іосіф Станеўскі. Фота: Канферэнцыя каталіцкіх біскупаў
Тут чакаюцца сустрэчы з імі — у хуткім часе павінны з’явіцца афіцыйныя паведамленні. Калі святары змогуць вярнуцца ў Беларусь і што іх чакае далей — вернікам пакуль невядома.
Нагадаем, абодва святары не прызнавалі сябе вінаватымі ў інкрымінаваных ім злачынствах.
Экс-пробашч парафіі ў Валожыне, ксёндз Акалатовіч быў прыгавораны да 11 гадоў пазбаўлення волі па абвінавачанні ў «здрадзе дзяржаве» і прабыў у зняволенні больш за два гады.
Былы настаяцель парафіі ў Шуміліне, айцец Юхневіч, якога першапачаткова затрымалі па палітычна матываваных артыкулах, пазней быў абвінавачаны па артыкулах аб нібыта палавых сувязях з непаўналетнімі і прыгавораны да 13 гадоў пазбаўлення волі. Ён прабыў у зняволенні амаль паўтара года.
Чытайце таксама:
Вызваленыя каталіцкія святары Генрых Акалатовіч і Анджэй Юхневіч