Vyzvalenyja ŭčora katalickija śviatary znachodziacca ŭ Vatykanie
Hienrycha Akałatoviča i Andžeja Juchnieviča adrazu vyvieźli za miažu i ciapier jany znachodziacca ŭ Vatykanie, piša katolik.life.
Apostalski nuncyj Ińjacya Čefalja, Hienrych Akałatovič, Andžej Juchnievič i arcybiskup Iosif Stanieŭski. Fota: Kanfierencyja katalickich biskupaŭ
Tut čakajucca sustrečy ź imi — u chutkim časie pavinny źjavicca aficyjnyja paviedamleńni. Kali śviatary zmohuć viarnucca ŭ Biełaruś i što ich čakaje dalej — viernikam pakul nieviadoma.
Nahadajem, abodva śviatary nie pryznavali siabie vinavatymi ŭ inkryminavanych im złačynstvach.
Eks-probašč parafii ŭ Vałožynie, ksiondz Akałatovič byŭ pryhavorany da 11 hadoŭ pazbaŭleńnia voli pa abvinavačańni ŭ «zdradzie dziaržavie» i prabyŭ u źniavoleńni bolš za dva hady.
Były nastajaciel parafii ŭ Šumilinie, ajciec Juchnievič, jakoha pieršapačatkova zatrymali pa palityčna matyvavanych artykułach, paźniej byŭ abvinavačany pa artykułach ab nibyta pałavych suviaziach ź niepaŭnaletnimi i pryhavorany da 13 hadoŭ pazbaŭleńnia voli. Jon prabyŭ u źniavoleńni amal paŭtara hoda.
Čytajcie taksama:
Vyzvalenyja katalickija śviatary Hienrych Akałatovič i Andžej Juchnievič