У Гомелі адкрылі помнік маршалу Ракасоўскаму
26 лістапада, у 82‑ю гадавіну вызвалення Гомеля ад нямецкай акупацыі падчас Другой сусветнай вайны, у цэнтры горада адкрылі бронзавы помнік Маршалу Савецкага Саюза Канстанціну Ракасоўскаму.
Фота: t.me/gomel_region_gov
Савецкі маршал Канстанцін Ракасоўскі выяўлены верхам на кані падчас парада Перамогі 1945 года на Краснай плошчы ў Маскве. На пастаменце — пункты ключавых аперацый і бітваў пад камандаваннем ваеначальніка.
Фота: t.me/gomel_region_gov
Эскіз помніка стварыла скульптарка з Расіі Юлія Пашына, яго вышыня з пастаментам — шэсць метраў. Адзін з фрагментаў пастамента — карта Гомельска-Рэчыцкай наступальнай аперацыі, якой кіраваў военачальнік, а таксама вобразы германскіх сцягоў, калісьці кінутых да падножжа маўзалея ў Маскве.
Фота: t.me/gomel_region_gov
Ва ўрачыстым адкрыцці помніка ўзялі ўдзел намеснік міністра абароны Беларусі генерал-маёр Аляксандр Навуменка, памочнік прэзідэнта Расіі Уладзімір Мядзінскі, старшыня Палаты прадстаўнікоў Ігар Сергеенка.
Фота: t.me/gomel_region_gov
У дадатак да ўласна адкрыцця помніка былі арганізаваныя парад вайсковай тэхнікі і праходжанне войскаў, выстава ўзбраення, вайсковай і спецыяльнай тэхнікі, а таксама святочны канцэрт.
Гэты помнік паставілі па ініцыятыве Расійскага ваенна-гістарычнага таварыства, якое ўзначальвае Уладзімір Мядзінскі. Для яго ўстаноўкі ўлады высеклі цэлы сквер у цэнтры горада.
Акрамя помніка маршалу Ракасоўскаму, Мядзінскі мае намер паставіць у Гомелі помнік расійскаму фельдмаршалу Івану Паскевічу, душыцелю паўстання 1830—1831 гадоў.
Чытайце таксама:
Гомельскія ўлады дзеля ўстаноўкі помніка Ракасоўскаму высеклі цэлы сквер у цэнтры горада
Расія паставіць у Магілёве помнік арганізатару палітычных забойстваў