Прапаганда кажа, што перахапіла чат-бот «Кіберпартызанаў» — даведаліся, што было насамрэч
У «Кіберпартызанаў» запрацаваў новы бот па дэаноне сілавікоў. Стары цяпер недаступны.
Адзін з прапагандысцкіх тэлеграм-каналаў напісаў, быццам «Кіберпартызаны» страцілі кантроль над сваім чат-ботам: маўляў, усе даныя з яго цяпер у руках сілавікоў. Гаворка ідзе пра чат-бот, з дапамогай якога можна было дэаноніць сілавікоў — ён не працаваў з канца кастрычніка.
Прэс-сакратарка «Кіберпартызанаў» Юліяна Шаметавец у каментары «Нашай Ніве» абвергла гэта.
Стары бот сапраўды не працуе, але, кажа Шаметавец, яго заблакаваў тэлеграм, і гэта не ў першы раз. Верагодна, на бот скардзяцца праз наяўнасць у ім персанальных даных, таму сэрвіс яго і блакуе.
Цяпер «Кіберпартызаны» запусцілі новы бот па дэаноне сілавікоў — @voka_zmagara_bot.
У базу дадалі звесткі пра сакрэтных супрацоўнікаў, актуальныя на канец 2024 года. А таксама пра даносчыкаў у міліцыю па палітычных пратэстах у Беларусі (даныя да сярэдзіны 2021-га).
Чытайце таксама:
Бот па дэаноне супрацоўнікаў МУС і КДБ прыпыніў працу
Перастаў адкрывацца сайт з імёнамі і адрасамі сілавікоў, задзейнічаных ў рэпрэсіях