Фігурыстцы з Беларусі дазволілі выступіць на Алімпіядзе
Фігурыстка Вікторыя Сафонава, якая выступае за Беларусь, атрымала дазвол на ўдзел у зімовых Алімпійскіх гульнях 2026 года. Яе заяўку ўхваліла адпаведная індывідуальная нейтральная камісія, паведаміў Міжнародны алімпійскі камітэт.
Вікторыя Сафонава. Фота: Emmanuel Wong — International Skating Union/International Skating Union via Getty Images
Разам з Сафонавай права выступаць у нейтральным статусе атрымалі расійскія фігурысты Адэлія Петрасян і Пётр Гуменнік. Усе тры спартсмены будуць дапушчаныя да турніру ў італьянскіх Мілане і Карціна-д’Ампеца пры выкананні патрабаванняў МАК для нейтральных атлетаў.
Вікторыя Сафонава застаецца адзінай прадстаўніцай Беларусі, якая на гэты момант прайшла працэдуру допуску. На Алімпіядзе-2022 яна заняла 13‑е месца, а цяпер зноў мае шанцы выступіць на алімпійскім лёдзе.
У 2024 годзе нейтральная камісія адмовіла 15 беларускім спартсменам, нягледзячы на атрыманне імі ліцэнзій, ва ўдзеле ў летняй Алімпіядзе ў Парыжы.
Чытайце таксама:
У Грэцыі запалілі агонь зімовай Алімпіяды-2026
Беларусь не будзе прымаць удзел у Паралімпійскіх гульнях-2026
Упершыню ў гісторыі беларусы могуць вярнуцца з Зімовай Алімпіяды ні з чым
У вышук аб'явілі легендарнага лыжніка Сяргея Далідовіча, удзельніка сямі зімовых Алімпіяд