Fihurystcy ź Biełarusi dazvolili vystupić na Alimpijadzie
Fihurystka Viktoryja Safonava, jakaja vystupaje za Biełaruś, atrymała dazvoł na ŭdzieł u zimovych Alimpijskich hulniach 2026 hoda. Jaje zajaŭku ŭchvaliła adpaviednaja indyvidualnaja niejtralnaja kamisija, paviedamiŭ Mižnarodny alimpijski kamitet.
Viktoryja Safonava. Fota: Emmanuel Wong — International Skating Union/International Skating Union via Getty Images
Razam z Safonavaj prava vystupać u niejtralnym statusie atrymali rasijskija fihurysty Adelija Pietrasian i Piotr Humieńnik. Usie try spartsmieny buduć dapuščanyja da turniru ŭ italjanskich Miłanie i Karcina-d'Ampieca pry vykanańni patrabavańniaŭ MAK dla niejtralnych atletaŭ.
Viktoryja Safonava zastajecca adzinaj pradstaŭnicaj Biełarusi, jakaja na hety momant prajšła praceduru dopusku. Na Alimpijadzie-2022 jana zaniała 13‑ie miesca, a ciapier znoŭ maje šancy vystupić na alimpijskim lodzie.
U 2024 hodzie niejtralnaja kamisija admoviła 15 biełaruskim spartsmienam, niahledziačy na atrymańnie imi licenzij, va ŭdziele ŭ letniaj Alimpijadzie ŭ Paryžy.
Čytajcie taksama:
U Hrecyi zapalili ahoń zimovaj Alimpijady-2026
Biełaruś nie budzie prymać udzieł u Paralimpijskich hulniach-2026
Upieršyniu ŭ historyi biełarusy mohuć viarnucca ź Zimovaj Alimpijady ni z čym
U vyšuk abjavili lehiendarnaha łyžnika Siarhieja Dalidoviča, udzielnika siami zimovych Alimpijad