Беларускіх гімнастаў дапусцілі да еўрапейскіх турніраў
Беларускіх спартсменаў разам з расійскімі дапусцілі да турніраў пад эгідай Еўрапейскай федэрацыі гімнастыкі (European Gymnastics), паведамілі ў прэс-службе Беларускай асацыяцыі гімнастыкі.
Фота ілюстрацыйнае
Адпаведнае рашэнне прынята на 31‑м кангрэсе European Gymnastics у Празе.
Раней беларусы маглі выступаць у нейтральным статусе толькі на турнірах Міжнароднай федэрацыі гімнастыкі (FIG), але не еўрапейскай. Гэта каштавала ім удзелу ў Алімпійскіх гульнях у Парыжы, бо адбор на іх праходзіў на чэмпіянаце Еўропы, да якога беларускія атлеты дапушчаныя не былі.
Пастанова European Gymnastics аб допуску да спаборніцтваў беларусаў і расіян увойдзе ў дзеянне 1 студзеня 2026 года.
Чытайце таксама:
Фігурыстцы з Беларусі дазволілі выступіць на Алімпіядзе
Віктар Лукашэнка дамогся перамоваў з новай кіраўніцай Міжнароднага алімпійскага камітэта
Алімпійскага чэмпіёна Івана Літвіновіча ўнеслі ў спіс «Міратворца»