У Расіі «юрыстам года» прызналі Дзмітрыя Мядзведзева
Намесніка старшыні Рады бяспекі Расіі Дзмітрыя Мядзведзева назвалі лаўрэатам прэміі «Юрыст года». Ён атрымаў узнагароду ў катэгорыі «За асаблівы ўклад у развіццё дзяржавы і права», паведамляе ТАСС.
Дзмітрый Мядзведзеў. Фота: AP
Прэмія «Юрыст года» была заснаваная ў 2008 годзе указам таго ж самага Дзмітрыя Мядзведзева, калі ён займаў пасаду прэзідэнта Расіі. Узнагароду традыцыйна ўручаюць 3 снежня, калі ў Расіі адзначаюць Дзень юрыста.
Падкрэсліваецца, што гэта адна з найвышэйшых юрыдычных узнагарод у Расіі — яна прызначаная для адзначання высокакваліфікаваных спецыялістаў у галіне права.
Мядзведзеў скончыў юрфак Ленінградскага дзяржаўнага ўніверсітэта (цяпер СПбДУ) і ў 1990 годзе абараніў кандыдацкую дысертацыю. Пасля пачатку вайны ва Украіне ён стаў адным з галоўных носьбітаў агрэсіўнай і адкрыта хамскай рыторыкі ў расійскай палітыцы.
Чытайце таксама:
Мядзведзеў пра Трампа: Гаваркі міратворац цяпер паўнавартасна стаў на сцежку вайны з Расіяй
Мядзведзеў прыгразіў Лондану забраннем каштоўнасцяў Брытанскай кароны
У адказ на балбатню Мядзведзева Трамп загадаў перамясціць ядзерныя падводныя лодкі
Трамп назваў Мядзведзева «былым прэзідэнтам-няўдачнікам» і параіў сачыць за словамі