Трамп назваў Мядзведзева «былым прэзідэнтам-няўдачнікам» і параіў сачыць за словамі
«Ён уступае на вельмі небяспечную тэрыторыю!»
Прэзідэнт ЗША Дональд Трамп выказаўся наконт ультыматуму Расіі.
«Мне ўсё роўна, што Індыя робіць з Расіяй. Яны могуць разам аднаўляць сваю мёртвую эканоміку, мне ўсё роўна. У нас вельмі мала дзелавых адносін з Індыяй, іх тарыфы занадта высокія, адны з самых высокіх у свеце. Аналагічным чынам, Расія і ЗША амаль не вядуць бізнэс разам. Давайце пакінем усё як ёсць і скажам Мядзведзеву, былому прэзідэнту-няўдачніку Расіі, які ўсё яшчэ лічыць сябе прэзідэнтам, сачыць за сваімі словамі. Ён уступае на вельмі небяспечную тэрыторыю!» — напісаў Трамп у сваёй сацсетцы Truth Social.
На гэтым тыдні прэзідэнт ЗША заявіў, што дае Расіі 10 дзён, каб паказаць прагрэс у спыненні вайны ва Украіне, — інакш Амерыка ўвядзе пошліны і прыме іншыя меры супраць Расіі. Дагэтуль Трамп даваў Маскве тэрмін у 50 дзён, але рашыў яго скараціць.
Дзмітрый Мядзведзеў, які цяпер займае пасаду намесніка старшыні Рады бяспекі Расіі, каментаваў гэта так:
«Трамп гуляе з Расіяй ва ўльтыматум: 50 дзён ці 10… Яму варта памятаць 2 рэчы:
1. Расія — гэта не Ізраіль і нават не Іран.
2. Кожны новы ўльтыматум — гэта пагроза і крок да вайны. Не паміж Расіяй і Украінай, а з яго ўласнай краінай. Не хадзі па дарозе соннага Джо!»
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну93
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары