Прызналі «экстрэмісцкімі» кліпы гурта Dymna Lotva і афіцыйны сайт Рады Еўропы

Суд Партызанскага раёна Мінска прызнаў «экстрэмісцкімі матэрыяламі» сайт «Канферэнцыі міжнародных няўрадавых арганізацый (CINGO)» — пры гэтым у рашэнні суда пазначаны афіцыйны сайт Рады Еўропы, піша «Вясна».

Акрамя таго, «экстрэмісцкімі» прызналі шэраг кліпаў гурта Dymna Lotva. Гаворка пра кампазіцыі «Смерць цалуе ў вочы», Buried Alive (live at Prophecy fest 2023), «Адышоўшым (acoustic live at Radio Wnet)», «Перемен! (Кино cover)», «Мяне больш няма (Halloween Live)», «Жывi! (Live!) (Official Music Video)», «Смерць Цалуе У Вочы (Death Kisses Your Eyes) (Official Music Video)», размешчаныя на ютубе.

Удзельнікі гурта Dymna Lotva

Таксама «экстрэмісцкі» спіс гэтым разам папоўнілі:

• рэсурс mogilev.mеdia;
• відэаролікі «Это не я, МЫ ЗА МИР! ЛУКАШЕНКО В ЗАЛЕ ООН УСТРОИЛ РАЗНОС. Довел до шока даже Путина», «Лукашенко хочет вернуть легитимность», «Агент ВАЛЕТ. Хто такий ЛУКАШЕНКО? ГРИГОРIЙ ОМЕЛЬЧЕНКО», «ЛАТУШКО. СЫН ЛУКАШЕНКО ПРОПАЛ!? Семья диктатора ГОТОВИТ ПОБЕГ из страны»;
• інстаграм-старонку палітвязня «andreikudzik»;
• буйны расійскі ютуб-канал sotavision, які мае больш за 650 тысяч падпісчыкаў.

Каментары да артыкула