Рэдкага чорнага ваўка забілі паляўнічыя ў Лідскім раёне
Падчас палявання ў паляўнічых абшарах Лідскага лясгаса быў здабыты рэдкі для Беларусі трафей — воўк з чорнай афарбоўкай. Пра гэта паведамілі ў Беларускім таварыстве паляўнічых і рыбаловаў, піша «Спутнік».
Звычайны воўк (Canis lupus) з чорнай афарбоўкай. Фота: Wikimedia Commons
Чорны колер поўсці ў ваўка лічыцца генетычнай анамаліяй і вынікам мутацыі, якая калісьці перайшла да дзікіх жывёл ад свойскіх сабак шляхам гібрыдызацыі. Такія асобіны часцей сустракаюцца ў Паўночнай Амерыцы, чым у Еўропе.
Паляўнічыя і навукоўцы адзначаюць, што чорныя ваўкі менш агрэсіўныя ў зграі, больш вынослівыя, буйныя, а таксама больш разумныя і асцярожныя.
Паляванне на ваўка ў Беларусі дазволена круглы год.