Redkaha čornaha vaŭka zabili palaŭničyja ŭ Lidskim rajonie
Padčas palavańnia ŭ palaŭničych abšarach Lidskaha lashasa byŭ zdabyty redki dla Biełarusi trafiej — voŭk z čornaj afarboŭkaj. Pra heta paviedamili ŭ Biełaruskim tavarystvie palaŭničych i rybałovaŭ, piša «Sputnik».
Zvyčajny voŭk (Canis lupus) z čornaj afarboŭkaj. Fota: Wikimedia Commons
Čorny koler poŭści ŭ vaŭka ličycca hienietyčnaj anamalijaj i vynikam mutacyi, jakaja kaliści pierajšła da dzikich žyvioł ad svojskich sabak šlacham hibrydyzacyi. Takija asobiny čaściej sustrakajucca ŭ Paŭnočnaj Amierycy, čym u Jeŭropie.
Palaŭničyja i navukoŭcy adznačajuć, što čornyja vaŭki mienš ahresiŭnyja ŭ zhrai, bolš vynoślivyja, bujnyja, a taksama bolš razumnyja i aściarožnyja.
Palavańnie na vaŭka ŭ Biełarusi dazvolena kruhły hod.