Сярод вызваленых — 27‑гадовая Кацярына Мендрык з драматычнай гісторыяй арышту
Яе арыштавалі за салідарнасць з палітвязнямі: Кацярына Мендрык слала пасылкі і рабіла пераводы ў СІЗА.
Кацярына Мендрык. Фота з сацсетак
Дзяўчына нарадзілася ў Лідзе, але яшчэ ў дзяцінстве пераехала жыць у Гродна. Кацярына вучылася ў Варшаўскім універсітэце.
Як мінімум двойчы пасля вяртання з-за мяжы яе судзілі па адміністратыўках. А ўрэшце арыштавалі і па крыміналцы за салідарнасць з палітвязнямі — бо дзяўчына слала пасылкі і рабіла пераводы ў СІЗА.
Цяпер Кацярына дэпартаваная ва Украіну.