Знайшоўся невядомы твор Язэпа Драздовіча
Ён захоўваўся ў Польшчы ў сямейнай калекцыі.
Тая самая карціна
Пра новы твор беларускага мастака Язэпа Драздовіча стала вядома з допісу ў фэйсбуку. Адам Мацько з Польшчы выклаў фота карціны і напісаў:
«Наколькі я ведаю з сямейных паданняў, яе аўтарам з’яўляецца мастак, які вандраваў па Віленшчыне і ствараў такія «творы» дзеля грошай. Гэта значыць, маляваў на замову. Як вынікае з подпісу, яго прозвішча было Драздовіч. На карціне намаляваны дом майго дзядулі па бацькавай лініі, ён знаходзіўся ў вёсцы Навіны, што недалёка ад Дзісны».
Карціна датаваная 1937 годам і мае подпіс Драздовіча.
Мастак сапраўды шмат вандраваў па Віленшчыне і Дзісеншчыне і маляваў на замову, каб зарабіць на жыццё.
Чытайце таксама:
На Глыбоччыне выпадкова адшукалі яшчэ адну працу Язэпа Драздовіча