Першым дзіцём, якое нарадзілася ў Мінску ў новым годзе, стала маленькая туркменка
Дзяўчынка нарадзілася а 4:00, гэта былі тэрміновыя роды.
Ілюстрацыйны здымак. Фота: unicef.org
У першыя хвіліны 2026 года ў Беларусі нарадзілася пяцёра немаўлят— з 0:00 да 0:03.
Агулам у «першыя гадзіны» на свет з’явіліся 76 немаўлят, паведамляе Міністэрства здароўя, але не тлумачыць, што такое «першыя гадзіны» — ці то ў першай палове дня, ці то агулам за дзень. Раней называлася статыстыка за навагоднюю ноч, аднак цяпер фармулёўкі змяніліся.
Першай малечай у Мінску стала дзяўчынка, якая нарадзілася ў грамадзянкі Туркменістана. Яна важыць 3,14 кг, рост 51 см. Роды былі тэрміновыя, дзяўчынка стала першым дзіцём у сям’і.