Pieršym dziciom, jakoje naradziłasia ŭ Minsku ŭ novym hodzie, stała maleńkaja turkmienka
Dziaŭčynka naradziłasia a 4:00, heta byli terminovyja rody.
Ilustracyjny zdymak. Fota: unicef.org
U pieršyja chviliny 2026 hoda ŭ Biełarusi naradziłasia piaciora niemaŭlat— z 0:00 da 0:03.
Ahułam u «pieršyja hadziny» na śviet źjavilisia 76 niemaŭlat, paviedamlaje Ministerstva zdaroŭja, ale nie tłumačyć, što takoje «pieršyja hadziny» — ci to ŭ pieršaj pałovie dnia, ci to ahułam za dzień. Raniej nazyvałasia statystyka za navahodniuju noč, adnak ciapier farmuloŭki źmianilisia.
Pieršaj malečaj u Minsku stała dziaŭčynka, jakaja naradziłasia ŭ hramadzianki Turkmienistana. Jana važyć 3,14 kh, rost 51 sm. Rody byli terminovyja, dziaŭčynka stała pieršym dziciom u siamji.