Трамп: У наступныя 30 дзён выбары ў Венесуэле немагчымыя — «спачатку мы павінны навесці парадак у краіне»
Трамп заявіў, што часовая прэзідэнтка краіны Дэлсі Радрыгес супрацоўнічае з Белым домам.
Дэлсі Радрыгес падчас прынясення прысягі 5 студзеня. Фота: Jesus Vargas / Getty Images
«Спачатку мы павінны навесці парадак у краіне. Выбары немагчымыя. На гэта спатрэбіцца час», — заявіў Трамп у інтэрв’ю NBC. Калі, на яго думку, выбары ў Венесуэле стануць магчымымі, ён не ўдакладніў.
Трамп заявіў, што часовая прэзідэнтка краіны Дэлсі Радрыгес супрацоўнічае з Белым домам.
Калі гэтае супрацоўніцтва спыніцца, ЗША могуць зноў ужыць сілу, намякнуў Трамп. «Мы гатовыя гэта зрабіць. Насамрэч мы і меркавалі гэта зрабіць [накіраваць войскі ў Венесуэлу пасля выкрадання Нікаласа Мадура]», — сказаў ён.
Чытайце таксама:
Хто такая Дэлсі Радрыгес, што заняла месца Мадура. Марыянетка Трампа ці абаронца Венесуэлы?
«Галоўны я»: Трамп назваў групу чыноўнікаў ЗША, якія будуць кіраваць Венесуэлай