«Галоўны я»: Трамп назваў групу чыноўнікаў ЗША, якія будуць кіраваць Венесуэлай
Прэзідэнт ЗША назваў групу чыноўнікаў, якія будуць дапамагаць кантраляваць удзел Злучаных Штатаў у сітуацыі ў Венесуэле, піша NBC News.
Паводле слоў Трампа, да кіравання Венесуэлай будуць датычныя:
- дзяржаўны сакратар ЗША Марка Рубіа;
- кіраўнік Пентагона Піт Хегсет;
- намеснік кіраўніка апарата Белага дома Стывен Мілер;
- віцэ-прэзідэнт ЗША Джэй Дзі Вэнс.
«Гэта група людзей самых розных прафесій і спецыяльнасцей. У іх ёсць досвед, прычым розны», — заявіў Трамп.
На пытанне, хто ў канчатковым выніку з’яўляецца галоўным, ён адказаў адным словам: «Я».
Таксама ў тым жа інтэрв’ю Трамп паведаміў, што віцэ-прэзідэнт Венесуэлы Дэлсі Радрыгес, якая пасля выкрадання Нікаласа Мадура прынесла прысягу як выконваючая абавязкі прэзідэнта, супрацоўнічае з амерыканскімі чыноўнікамі. Аднак, як адзначыў лідар ЗША, да правядзення аперацыі кантактаў з ёй не было.
Акрамя таго, прэзідэнт ЗША намякнуў, што калі Радрыгес спыніць супрацоўніцтва, Злучаныя Штаты могуць здзейсніць паўторнае ваеннае ўварванне.
Цяпер чытаюць
Кватэры ў новабудоўлі ў цэнтры Гродна распрадалі за лічаныя хвіліны, але толькі зірніце, што там набудавалі2
Каментары