Лукашэнка: Тое, што адбываецца вакол нас, не залежыць ад нас. Шаленства і яшчэ раз шаленства
Аляксандр Лукашэнка 8 студзеня падчас цырымоніі ўручэння прэмій «За духоўнае адраджэнне», спецыяльных прэмій дзеячам культуры і мастацтва і «Беларускі спартыўны Алімп» заклікаў сваіх прыхільнікаў да захавання адзінства на фоне «шаленства» сучаснага свету.
Аляксандр Лукашэнка. Фота: Evgenia Novozhenina Pool Photo via AP
«Усё, што адбываецца вакол, вы бачыце, гэта можна назваць толькі адным словам — шаленства», — заявіў Лукашэнка.
Пасля ж перанёсся думкамі на 6 гадоў таму, у часы пандэміі каронавірусу.
«Вы памятаеце, мы з вамі гэта шаленства ўжо перажылі — тады, калі ўсе крычалі пра пандэмію, пра тое, што «ўсе памром», «заўтра пахаваюць» і гэтак далей. Але мы прайшлі гэты этап. З праблемамі пэўнымі, але розуму ў нас хапіла».
Прытым хапіла яго нібыта толькі ў адным пункце на ўсёй планеце:
«Адзіны народ у свеце. Такіх больш няма. Мы выстаялі».
Тым не менш, расслабіцца ўсё ніяк не атрымліваецца, бо сітуацыя ў свеце лепшай не робіцца:
«Сёння сітуацыя больш складаная. Тое, што адбываецца вакол нас, не залежыць ад нас. Шаленства і яшчэ раз шаленства».
Тым не менш, ён заклікаў прытрымлівацца раней вызначаных планаў і «кроў з носа павінны іх рэалізаваць», а для гэтага трэба «давяраць адзін аднаму і выконваць — кожны на сваім месцы — свае абавязкі».
Чытайце таксама:
Лукашэнка пра выкраданне Мадура: Гэта саступка Трампа вайскоўцам за Афганістан
Кубракоў расказаў Лукашэнку пра ўборку снегу