Каля 90 прыватных дамоў засталіся ў Гомелі без вады
Аварыя здарылася сёння днём на «Гомельводаканале».
Была зафіксавана ўцечка на водаправоднай лініі ў раёне дома № 36 па праездзе Ляшчынскага ў сувязі з фізічным зносам. На месцы працуе аварыйная брыгада і спецыяльная тэхніка, паведаміў у сваім тэлеграм-канале старшыня гарвыканкама Уладзімір Прывалаў.
Для выканання аварыйных работ адключана водазабеспячэнне ў 90 прыватных жылых дамах.
Меркаваны час ліквідацыі — 16:40.
Пасля завяршэння рамонтных работ будзе праведзена прамыўка і дэзінфекцыя пашкоджанага адцінка з адборам проб спецыялістамі ведамаснай лабараторыі прадпрыемства.