Kala 90 pryvatnych damoŭ zastalisia ŭ Homieli biez vady
Avaryja zdaryłasia siońnia dniom na «Homielvodakanale».
Była zafiksavana ŭciečka na vodapravodnaj linii ŭ rajonie doma № 36 pa prajeździe Laščynskaha ŭ suviazi ź fizičnym znosam. Na miescy pracuje avaryjnaja bryhada i śpiecyjalnaja technika, paviedamiŭ u svaim telehram-kanale staršynia harvykankama Uładzimir Pryvałaŭ.
Dla vykanańnia avaryjnych rabot adklučana vodazabieśpiačeńnie ŭ 90 pryvatnych žyłych damach.
Mierkavany čas likvidacyi — 16:40.
Paśla zaviaršeńnia ramontnych rabot budzie praviedziena pramyŭka i dezinfiekcyja paškodžanaha adcinka z adboram prob śpiecyjalistami viedamasnaj łabaratoryi pradpryjemstva.