Беларуска палюе на традыцыйныя саматканыя посцілкі ва ўсёй краіне — паглядзіце, колькі экспанатаў яна ўжо выкупіла ў бабуль ФОТЫ
Беларуска Яўгенія падзялілася сваёй раскошнай калекцыяй з 18 беларускіх посцілак.
Яўгенія на фоне аднаго з экзэмпляраў сваёй калекцыі — посцілкі з вёскі Засецце (Дзятлаўскі раён, Гродзенская вобласць), створанай у 1950‑я рукамі Валянціны Даргеліч. Фота тут і далей: трэдс @ahocina
Галоўнае месца для палявання на посцілкі для Яўгеніі — гэта «Куфар». Што цікава, часам дзяўчыне шанцавала атрымаць посцілку абсалютна бясплатна. Частка ж экзэмпляраў увогуле знайшлася ў бацькоў — посцілкі перайшлі ім у спадчыну ад старэйшага пакалення.
Посцілкі, выкупленыя Яўгеніяй
Самы дарагі экспанат у калекцыі каштаваў дзяўчыне 150 рублёў. Яркая посцілка са складанымі ўзорамі з Лоеўскага раёна сапраўды заслугоўвае высокай ацэнкі.
Досыць танна — за 40 рублёў — Яўгенія змагла прыдбаць дзве посцілкі — жоўта-карычневую, аўтарства Тамары Шыбайла з-пад Мачуліна (Ваўкавыскі раён, Гродзенская вобласць) і чорную з сінімі ўзорамі, таксама гродзенскага паходжання.
Яўгенія не выключае, што ў будучыні адкрые музей, калі яе калекцыя стане яшчэ большай.
Чытайце таксама:
Сем фактаў пра Уладзіміра Мулявіна, якому споўнілася б 85 гадоў