Biełaruska paluje na tradycyjnyja samatkanyja pościłki va ŭsioj krainie — pahladzicie, kolki ekspanataŭ jana ŭžo vykupiła ŭ babul FOTY
Biełaruska Jaŭhienija padzialiłasia svajoj raskošnaj kalekcyjaj z 18 biełaruskich pościłak.
Jaŭhienija na fonie adnaho z ekzemplaraŭ svajoj kalekcyi — pościłki ź vioski Zasiećcie (Dziatłaŭski rajon, Hrodzienskaja vobłaść), stvoranaj u 1950‑ia rukami Valanciny Darhielič. Fota tut i dalej: treds @ahocina
Hałoŭnaje miesca dla palavańnia na pościłki dla Jaŭhienii — heta «Kufar». Što cikava, časam dziaŭčynie šancavała atrymać pościłku absalutna biaspłatna. Častka ž ekzemplaraŭ uvohule znajšłasia ŭ baćkoŭ — pościłki pierajšli im u spadčynu ad starejšaha pakaleńnia.
Pościłki, vykuplenyja Jaŭhienijaj
Samy darahi ekspanat u kalekcyi kaštavaŭ dziaŭčynie 150 rubloŭ. Jarkaja pościłka sa składanymi ŭzorami z Łojeŭskaha rajona sapraŭdy zasłuhoŭvaje vysokaj acenki.
Dosyć tanna — za 40 rubloŭ — Jaŭhienija zmahła prydbać dźvie pościłki — žoŭta-karyčnievuju, aŭtarstva Tamary Šybajła z-pad Mačulina (Vaŭkavyski rajon, Hrodzienskaja vobłaść) i čornuju ź sinimi ŭzorami, taksama hrodzienskaha pachodžańnia.
Jaŭhienija nie vyklučaje, što ŭ budučyni adkryje muziej, kali jaje kalekcyja stanie jašče bolšaj.
Čytajcie taksama:
Siem faktaŭ pra Uładzimira Mulavina, jakomu spoŭniłasia b 85 hadoŭ