Лідарка венесуэльскай апазіцыі перадала Трампу свой Нобелеўскі медаль
Лідарка венесуэльскай апазіцыі Марыя Карына Мачада пры сустрэчы з прэзідэнтам ЗША Дональдам Трампам перадала яму свой Нобелеўскі медаль, паведамляе Reuters.
Марыя Карына Мачада ў Вашынгтоне, 15 студзеня 2026 года. Фота: Anna Rose Layden/Getty Images
Мачада, аднак, не адказала на прамое пытанне журналістаў, ці прыняў Трамп ад яе ўзнагароду.
Па інфармацыі ад прэс-пула Белага дома, сустрэча Мачада і Трампа, якая адбылася 15 студзеня, працягвалася больш за дзве гадзіны. Іншыя дэталі перамоваў не раскрываліся.
Сам прэзідэнт ЗША, выступаючы на мерапрыемстве ў Белым доме, пра сваю сустрэчу з лідаркай венесуэльскай апазіцыі ўвогуле не згадаў.
Нарвежскі Нобелеўскі камітэт яшчэ 9 студзеня заявіў, што пасля абвяшчэння Нобелеўскай прэміі яе немагчыма адклікаць, падзяліць або перадаць іншай асобе.
Чытайце таксама:
Трамп пра Мачада: У яе няма падтрымкі ўнутры краіны, хоць яна вельмі мілая жанчына
Мачада прапанавала падзяліць сваю Нобелеўскую прэмію міру з Трампам
Алесю Бяляцкаму ў Осла ўручылі Нобелеўскі дыплом і знак лаўрэата