Яшчэ ў адным горадзе адбылася аварыя на цеплатрасе, дзясяткі дамоў засталіся без ацяплення
20 студзеня каля дома № 22 на вуліцы Жодзінскай у Смалявічах адбыўся парыў трубаправода дыяметрам 219 міліметраў. Ліквідацыяй пашкоджання займаюцца спецыялісты мясцовай службы ЖКГ, паведаміла выданне smolevichi-24.by.
Фота: smolevichi-24.by
Камунальнікі былі вымушаныя часова спыніць работу цэнтральнай кацельні. Праз гэта ў 47 шматкватэрных і 16 прыватных дамах узніклі перабоі з ацяпленнем.
Як паведаміў намеснік старшыні Смалявіцкага райвыканкама Аляксей Гарбач, рамонтныя работы ўжо пачаліся і, паводле ацэнак, зоймуць каля 4—5 гадзін. Поўнае аднаўленне цеплазабеспячэння ва ўсіх закранутых дамах плануецца да раніцы.
У папярэднія дні пра праблемы з цеплазабеспячэннем падчас маразоў паведамлялася ў Мінску, Гомелі і Барысаве.
Чытайце таксама:
З-за аварыі на цеплатрасе ў Мінску заўважылі марозны смог. Ці небяспечны ён?
Цеплазабеспячэнне ў Мінску цалкам адноўлена
У Барысаве таксама здарылася аварыя на цепласетках
Вяртанне цяпла ў кватэры Мінска можа зацягнуцца да вечара. Гараджане апісваюць маштаб аварыі
Лукашэнка, які не любіць гарачыні, сказаў, што батарэі ў кватэрах могуць грэць і менш