Лукашэнка, які не любіць гарачыні, сказаў, што батарэі ў кватэрах могуць грэць і менш
«Не 25, а 20 градусаў. Дастаткова ў доме».
Сёння здарылася аварыя на цепламагістралі ў Мінску, праблемы з ацяпленнем закранулі пяць раёнаў.
Аляксандр Лукашэнка пракаментаваў сітуацыю.
«Кажуць, дзесьці там пад Мінскам нешта пад раніцу ўцечку стала даваць. Цеплатраса — павысілі ціск… Як звычайна. І я падумаў тры дні таму: думаю, трэба папярэдзіць начальнікаў… Але, напэўна ж, ведаюць: ну дайце вы трошкі халадней цепланосьбіт — ваду ці яшчэ нешта, але каб яна была пастаянна. Горш будзе, калі ціск павысіць, цяпло такое ў дом, але яго не будзе наогул», — прыводзіць словы Лукашэнкі БелТА.
Лукашэнка расказаў, што цяпер знайшлі рэзервовыя крыніцы для вырашэння праблемы. Але ён параіў не рабіць тэмпературу ў дамах занадта высокай, каб захаваць ацяпляльную сістэму.
«Ну калі б не 90 градусаў вада ў трубах, а 80 і ціск паменшы, — трошкі халадней было б у пакоі. Не 25, а 20 градусаў. Дастаткова ў доме», — лічыць палітык.
Нагадаем, сам Лукашэнка не любіць гарачыню. У Палацы незалежнасці сярэдняя тэмпература 17‑18 градусаў (а часам бывала і 16). На апошнім Усебеларускім народным сходзе палітыку паставілі трыбуну з кандыцыянерам.
Беларусы горача спрачаюцца, ці варта прывязваць дапамогу на дзіця да заробку маці51
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары