Белы дом уключыў у склад Рады міру замест Беларусі Бельгію
Белы дом апублікаваў пералік краін, якія нібыта далучыліся да Рады міру — ініцыятывы, заснаванай прэзідэнтам ЗША Дональдам Трампам. Аднак у спісе памылкова з’явілася Бельгія, а Беларусі, нягледзячы на ўвесь энтузіязм, праяўлены напярэдадні Аляксандрам Лукашэнкам, у ім першапачаткова не аказалася.
Белы дом у Вашынгтоне. Фота: Walter Bibikov / Getty Images
Міністр замежных спраў Бельгіі Максім Прэво адрэагаваў на гэта ў сацсетцы X, заявіўшы, што ягоная краіна не падпісвала Хартыю Рады міру і што заява Белага дома не адпавядае рэчаіснасці. Паводле яго слоў, Бельгія, як і многія іншыя краіны ЕС, выступае за агульны еўрапейскі падыход і ставіцца да гэтай ініцыятывы з асцярогай.
Пазней урадавыя крыніцы пацвердзілі, што прычынай інцыдэнту стала банальная блытаніна ў назвах краін — Беларусь прынялі за Бельгію.
Чытайце таксама:
Трамп падпісаў статут Рады міру
Орбан — пакуль адзіны з лідараў у ЕС, хто пагадзіўся на членства ў Радзе міру Трампа
У ААН адказалі, ці ўсхваляваныя там з’яўленнем Рады міру Трампа як канкурэнта арганізацыі
Пуцін прапанаваў узяць мільярд за членства Расіі ў Радзе міру з замарожаных актываў
Лукашэнка расказаў, чаму не будзе плаціць Трампу мільярд за членства ў Радзе міру