Орбан — пакуль адзіны з лідараў у ЕС, хто пагадзіўся на членства ў Радзе міру Трампа
Запрашэнне далучыцца да Рады было адрасавана прыкладна 60 краінам. Прэм’ер-міністр Венгрыі Віктар Орбан пакуль застаецца адзіным сярод лідараў краін ЕС, хто адкрыта пагадзіўся стаць членам у Радзе міру, ініцыяванай прэзідэнтам ЗША Дональдам Трампам, піша «Еўрапейская праўда».
Афіцыйна пра жаданне далучыцца да ініцыятывы Трампа заявілі Ізраіль, Саудаўская Аравія, Аб’яднаныя Арабскія Эміраты, Бахрэйн, Іарданія, Катар, Егіпет, Марока, Пакістан, Інданезія, Косава, Узбекістан, Казахстан, Парагвай, В’етнам, Азербайджан, Арменія.
20 студзеня Аляксандр Лукашэнка першым падпісаў дакумент аб далучэнні краіны да Рады міру на запрашэнне Трампа.
Сярод членаў НАТА пра сваё рашэнне далучыцца абвясцілі толькі Турцыя і Венгрыя. Апошняя з’яўляецца адзінай сярод краін ЕС, якая пагадзілася быць прадстаўленай у Радзе міру.
Такія краіны, як Нарвегія, Данія, Францыя абвясцілі пра сваю адмову быць членамі Рады міру амерыканскага прэзідэнта. Астатнія дзяржавы ЕС або публічна не каментавалі запрашэнне, або заяўлялі, што ім патрабуецца больш часу на разгляд прапановы.
Сярод запрошаных ёсць Украіна і Расія. Яны пакуль не далі адказу.
Цяпер чытаюць
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе10
Каментары
А по максимуму - в сторону России.