На памежным пераходзе ў літоўскіх Медніках спынілі афармленне грузавікоў
У літоўскім пункце пропуску «Меднікі» (з беларускага боку «Каменны Лог») днём 24 студзеня часова спынена афармленне грузавых аўтамабіляў. З літоўскага боку прыпынены ўезд фур, паведамляе Дзяржаўны памежны камітэт Беларусі.
Прычынай сталі тэхнічныя збоі ў праграмным забеспячэнні мытных баз. Паводле папярэдняй інфармацыі, рух плануецца аднавіць не раней за 20:00.
Разам з тым афармленне легкавых аўтамабіляў і аўтобусаў працягваецца ў звычайным рэжыме.
Грузаперавозчыкам раяць улічваць гэту сітуацыю пры планаванні паездак у Літву.
Чытайце таксама:
Прэм'ерка Літвы: ЗША дапамаглі вырашыць праблему з метэазондамі
Літоўская мытня: На тэрыторыі Беларусі знаходзяцца толькі 185 грузавікоў з літоўскімі нумарамі