Пашынян стварае музычны гурт
Першы выступ адбудзецца 30 студзеня ў Ерэване.
Нікол Пашынян за барабанамі. Скрыншот відэа з канала Пашыняна
Прэм’ер-міністр Арменіі Нікол Пашынян стварае музычны гурт.
Пашынян апублікаваў у сацсетках лагатып і назву гурта — «Варчабэнд». Назва складаецца з першых двух складоў слова «прэм’ер» на армянскай мове і слова «бэнд».
Лагатып, які апублікаваў Пашынян
16 студзеня Пашынян паведаміў, што першы выступ калектыву адбудзецца 30 студзеня ў Ерэване, піша «Суспільне». Месца правядзення канцэрту ён паабяцаў абвясціць дадаткова. Трапіць на падзею можна будзе пасля папярэдняй рэгістрацыі.
«Запрашаю на танцпляцоўку. Мы граем — вы танцуеце», — напісаў Пашынян.
У жніўні 2025 года газета «Грапарак» пісала, што Нікол Пашынян і яго жонка Ганна Акапян пачалі асвойваць музычныя інструменты, у прыватнасці ігру на гітары і ўдарных. Пазней прэм’ер-міністр неаднаразова публікаваў відэа, на якіх грае на ўдарных.
Чытайце таксама:
Чаму лідар Арменіі сумуе пад Земфіру і Лэдзі Гагу? Што з новым вобразам Пашыняна
Чэлентана, Беёнсэ, Лэдзі Гага і нават «Ласкавы май» — што ў плэйлісце Нікола Пашыняна